Admission
Course Details
- Aalimiyat ka course 5 saal ka hoga.
- Monday se Thursday 10:30 am to 1:00 pm online live classes hongi. In classes mein shirkat karna compulsory hai.
- Har Saturday isi waqt Anjuman hoga. Anjuman mein shirkat compulsory hai.
- Friday aur Sunday holidays hai.
- Live classes mein 70% attendance compulsory hai. Agar kisi taalibah ki attendance 70% se kam hui to unko fail kiya ja sakta hai chahe unke examination marks kitne hi achhe kyun na hon.
- Aalimiyat ki classes January se shuru hongi aur January se December Academic Year hota hai.
- Admission fee 500/- aur monthly fee 300/- hai.
Admission Requirement
- Yeh admissions sirf Indian Khawaateen ke liye hain. Taalibah ka India mein rehna zaroori nahi; agar koi Indian woman kisi doosre mulk mein rehti hain tab bhi woh admission ke liye apply kar sakti hain.
- Urdu padhna aur likhna aana compulsory hai. (Agar kisi behen ko Urdu padhna aur likhna thoda bahut aata hai lekin woh abhi mukammal taur par maahir nahi hain, to unhein Aalimiyat ke First Year mein Urdu sikhayi jayegi. Lekin First Year ka final examination Urdu mein hi dena hoga. Is liye pehle saal ke andar Urdu padhna aur likhna mukammal taur par seekhna zaroori hoga. Warna Aalimiyat ke course mein mazeed continue karna mumkin nahi hoga).
- Kam az kam 7th class tak ki school education mukammal hona compulsory hai.
- Taalibah ki umr 13 saal se 50 saal ke darmiyan honi chahiye.
- Quran-e-Kareem ki tilawat karna aana zaroori hai. Tajweed ka ilm hona admission ke liye zaroori nahi. Tajweed Aalimiyat ke course ke dauran sikhayi jayegi In’Shaa Allah
